Beint á efnisyfirlit síðunnar

Á döfinni

12.10.2018 - 14.10.2018

Ársþing LH 2018

Ársþing Landssambands hestamanna verður...
18

18.06.2018

Golfmót SÍÓ

Golfmót Ólympíufara, á vegum Samtaka íslenskra Ólympíufara, fer fram laugardaginn 23. júní nk., kl.8:00 á Nesvellinum á Seltjarnarnesi. Leikið verður 9 holu fjögurra manna Texas-scramble og ræst verður út á öllum teigum kl.8:30. Kaffi og veitingar í boði fyrir alla fjölskylduna. Skráning fer fram með því að senda póst á alvar@isi.is.
Nánar ...
15.06.2018

Hlaðvarp á Ólympíustöðinni

Ólympíustöðin er ókeypis vettvangur sem sýnir beint frá íþróttaviðburðum allt árið um kring. Á stöðinni eru einnig þáttaseríur sem tengjast hinum ýmsu íþróttagreinum og viðtöl við íþróttafólk, en stöðin leggur áherslu á afreksíþróttamenn og þeirra leið að meiri árangri. Nýlega bættist enn við flóruna hjá Ólympíustöðinni, en vikulega er boðið upp á hlaðvarp (podcast) sem kallast „Hugsaðu eins og Ólympíufari“ (Think like an Olympian).
Nánar ...
13.06.2018

Lyfjaeftirlit ÍSÍ og jafningjafræðslan

Nýverið hélt verkefnastjóri Lyfjaeftirlits ÍSÍ, Birgir Sverrisson, erindi fyrir jafningafræðsluna. Erindið fjallaði um anabólíska stera, aukaverkanir og hvatana bakvið notkunina á þeim hvort sem er innan íþrótta eða utan. Hópurinn átti gott spjall um ýmis konar þætti er snúa að andlegum og líkamlegum áhrifum af notkun þessara ólöglegu efna og einnig var rætt um líkamsímynd og umfang notkunar, bæði innan og utan skipulagðs íþróttastarfs. Að lokum var farið stuttlega yfir niðurstöður nýlegra rannsókna á notendum anabólískra stera og rætt um hvernig jafningafræðslan geti stuðlað að því að ungt fólk fái fræðslu um skaðsemi þessara efna og verið miklvægur þáttur í því að hvetja það til heilbrigðar heilsuræktar.
Nánar ...
13.06.2018

Skíðaborg fyrirmyndarfélag ÍSÍ

Skíðafélag Siglufjarðar, Skíðaborg fékk endurnýjun viðurkenningar sinnar sem fyrirmyndarfélag ÍSÍ nú nýverið. Félagið fékk fyrst viðurkenningu árið 2014 en viðurkenninguna þarf að endurnýja á fjögurra ára fresti. Það var Viðar Sigurjónsson skrifstofustjóri ÍSÍ á Akureyri sem afhenti formanni félagsins Kristínu Önnu Guðmundsdóttur viðurkenninguna á uppskeruhátíð félagsins á Siglufirði. Á myndinni eru þau Viðar og Kristín Anna.
Nánar ...
13.06.2018

Sumarfjarnám - Þjálfaramenntun ÍSÍ

Sumarfjarnám 1. og 2. stigs þjálfaramenntunar ÍSÍ hefst mánudaginn 18. júní nk. og tekur það átta vikur á 1. stigi en fimm vikur á 2. og 3. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni.
Nánar ...
06.06.2018

Grundvallarréttindi íþróttafólks sett fram

Nýlega birti stýrihópur innan Alþjóðaólympíunefndarinnar (IOC) „Skipulagsskrá íþróttafólks“ sem ætlað er að takast á við og vernda grundvallarréttindi og skyldur íþróttafólks um heim allan. Í stýrihópnum, sem settur var saman af Íþróttamannanefnd IOC, eru 20 íþróttamenn hvaðanæva að úr heiminum.
Nánar ...
06.06.2018

Ásdís Rósa endurkjörin sem formaður HNÍ

Ársþing Hnefaleikasambands Íslands fór fram sunnudaginn 21. maí í Íþróttamiðstöðinni í Laugardal. Fyrir þinginu lágu þó nokkrar breytingar á regluverki HNÍ, m.a. vegna breytinga hjá AIBA, reglum alþjóðahnefaleikasambandsins.
Nánar ...
06.06.2018

Samningur ÍSÍ og Air Iceland Connect

ÍSÍ og Air Iceland Connect (AIC) undirrituðu í mars 2018 samning um afsláttarkjör á innanlandsflugi fyrir íþróttahreyfinguna. Samningurinn gildir til 1. febrúar 2019. Samstarf ÍSÍ og AIC, áður Flugfélag Íslands, hefur verið langt og farsælt. Þátttaka í íþróttastarfi á Íslandi felur í sér mikil og kostnaðarsöm ferðalög og mikilvægt er að búa við öruggar og reglubundnar flugsamgöngur á milli landshluta.
Nánar ...
04.06.2018

Laus störf hjá ÍSÍ

Íþrótta- og Ólympíusamband Íslands óskar eftir að ráða verkefnastjóra á Afreks- og Ólympíusvið ÍSÍ og verkefnastjóra á Almenningsíþróttasviði ÍSÍ.
Nánar ...
02.06.2018

Sjóvá Kvennahlaup ÍSÍ 2018 fór fram í dag

Sjóvá Kvennahlaup ÍSÍ fór fram í tuttugasta og níunda sinn í dag laugardaginn 2. júní. Góð þátttaka var í hlaupinu en gera má ráð fyrir að um 10.000 konur hafi tekið þátt á yfir 80 stöðum um allt land og víða erlendis.
Nánar ...