Beint á efnisyfirlit síðunnar

Á döfinni

09.02.2018 - 25.02.2018

PyeongChang 2018

Vetrarólympíuleikarnir árið 2018 fara fram...
10.02.2018 - 10.02.2018

Ársþing KSÍ

Ársþing Knattspyrnusambands Íslands verður...
10.03.2018 - 10.03.2018

Ársþing HSK 2018

Ársþing Héraðssambandsins Skarphéðins verður...
14

Heidursholl_Vala.jpg (221557 bytes)

Vala Flosadóttir - Frjálsíþróttir, stangarstökk

 

Vala Flosadóttir, okkar þriðji verðlaunahafi á Ólympíuleikum, var útnefnd í Heiðurshöll ÍSÍ þann 29. desember árið 2012.

Vala Flosadóttir fæddist 16. febrúar árið 1978. Vala flutti til Svíþjóðar á táningsaldri þar sem hún æfði stangarstökk. Á árunum 1995-1997 setti Vala fimm unglingaheimsmet í stangarstökki. Hún varð fyrsti Evrópumeistari sögunnar í stangarstökki kvenna á EM innanhúss árið 1996, varð önnur á evrópska unglingameistaramótinu árið 1997 og hafnaði í þriðja sæti á EM árið 1998. Sama ár setti hún tvívegis heimsmet í stangarstökki innanhúss. Hún vann Evrópumeistaramót 22 ára og yngri árið 1999 og vann silfur á HM innanhúss sama ár.

Árið 2000 náði Vala þriðja sæti á Ólympíuleikunum í Sydney með stökki upp á 4,5 metra. Með stökkinu setti hún jafnframt Íslands- og Norðurlandamet. Hún varð fyrst íslenskra kvenna og er sú eina til að vinna til verðlauna á Ólympíuleikunum.

Vala var kjörin íþróttamaður ársins á Íslandi árið 2000. Afreksferill Völu var glæsilegur, en Vala hætti keppni árið 2004.

Það er ÍSÍ mikill heiður að útnefna Völu Flosadóttur í Heiðurshöll ÍSÍ.

Myndasíða ÍSÍ - Vala Flosadóttir.