Fréttasafn
2025
Janúar, Febrúar, Mars, Apríl, Maí, Júní, Júlí, Ágúst, September, Október.
2024
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2023
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2022
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2021
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2020
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2019
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2018
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2017
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2016
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2015
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2014
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2013
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2012
Janúar, Mars, Apríl, Maí, Júní, Júlí, September, Október, Nóvember, Desember.
2011
Hörður sæmdur Gullmerki ÍSÍ
Ársþing Sundsambands Íslands fór fram þann 15. júní sl. í Íþróttamiðstöðinni í Laugardalnum. Kjörinn var nýr formaður en Björn Sigurðsson, ÍBH og fyrrum gjaldkeri stjórnar SSÍ tekur við af Herði J. Oddfríðarsyni, ÍBR. Hörður hefur verið formaður í 13 ár en fyrir það var hann varaformaður SSÍ í þrjú ár og stjórnarmaður í þrjú ár þar á undan. Hann sagði af sér embætti á þinginu en hann var kjörinn formaður til fjögurra ára á þingi SSÍ 2017. Hann heldur þó áfram sem meðstjórnandi til tveggja ára í stjórn SSÍ. Líney Rut Halldórsdóttir framkvæmdastjóri ÍSÍ ávarpaði þingið og nýtti tækifærið til þess að afhenda Herði Gullmerki ÍSÍ fyrir framúrskarandi störf í þágu íþróttahreyfingarinnar. Hannes Sigurbjörn Jónsson formaður KKÍ og Sólveig Jónsdóttir framkvæmdastjóri FSÍ voru þingforsetar.
30. Sjóvá Kvennahlaup ÍSÍ fór fram í dag
Sjóvá Kvennahlaup ÍSÍ fór fram í þrítugasta sinn í dag, laugardaginn 15. júní, í blíðskaparveðri um allt land. Frábær þátttaka var í hlaupinu í dag en gera má ráð fyrir að um 10.000 konur hafi tekið þátt á yfir 80 stöðum um allt land og víða erlendis. Að vanda var boðið upp á mismunandi vegalengdir eða allt frá 900 m upp í 10 km. Mikil og góð stemning var hjá þátttakendum konum sem körlum, ungum sem öldnum sem fögnuðu 30 ára afmælinu með okkur í dag. Gleði og kátína skein úr hverju andliti þegar konur á öllum aldri komu saman og áttu skemmtilega stund þar sem sumar hlupu en aðrar gengu. Rúmlega 3000 manns hlupu í Garðabæ, rúmlega 1000 í Mosfellsbæ, rúmlega 300 á Akureyri, hátt í 300 í Reykjanesbæ og rúmlega 100 á Ísafirði og Egilsstöðum.Kvennahlaup sem skiptir máli, fyrr og nú
Markmið Kvennahlaupsins er að hvetja konur á öllum aldri til aukinnar heilsueflingar og til frekari þátttöku í starfi íþróttahreyfingarinnar á Íslandi. Það hefur sannarlega mælst vel fyrir og því til stuðnings segir það sitt að Kvennahlaupið hefur lengi verið stærsti einstaki íþróttaviðburðurinn á Íslandi. Þátttaka í hlaupinu hefur aukist jafnt og þétt og ár hvert hlaupa þúsundir kvenna um allt land og njóta þess að hreyfa sig saman. Dætur, mæður, frænkur, systur og vinkonur taka þátt og þar eru börn, ungmenni og karlar einnig velkomin.
Aldrei fleiri konur í stjórn ÍSÍ
.png?proc=NewsListImage)
Á Íþróttaþingi ÍSÍ 2019 var kosið til framkvæmdastjórnar ÍSÍ og hefur hlutfall kvenna í framkvæmdastjórn ÍSÍ aldrei verið hærra, en í stjórninni eru nú 7 konur og 9 karlar. Hlutfall kvenna er því tæp 44%. Í aðalstjórnum innan sambandsaðila ÍSÍ, ef staðan er tekin í dag, er hlutfall kvenna mest í íþróttahéruðum, 39%, næst í íþróttafélögum, 34% og í sérsamböndum 31%.
Samstaða og kraftur kvenna
Árið 1990 var fyrsta Kvennahlaup ÍSÍ haldið á átta stöðum á landinu, í tengslum við Íþróttahátíð ÍSÍ. Lovísa Einarsdóttir, sem sæti átti í framkvæmdastjórn ÍSÍ á þeim tíma, var í lykilhlutverki við stofnun hlaupsins og síðar framkvæmd þess til margra ára. Lovísa var mikil kjarnakona og það var hennar hugsjón að fá fleiri konur til að iðka íþróttir og almenna hreyfingu, sér til heilsubótar. Hún hreif með sér aðra drífandi einstaklinga og ævintýrið hófst. Síðar var sett á laggirnar Kvennahlaupsnefnd ÍSÍ sem hefur leitt undirbúning og skipulag hlaupsins af hálfu ÍSÍ með miklum sóma.
Sjóvá Kvennahlaup ÍSÍ á laugardaginn
Sjóvá Kvennahlaup ÍSÍ fer fram í þrítugasta sinn laugardaginn 15. júní og er hlaupið langstærsti almenningsíþróttaviðburðurinn á Íslandi á hverju ári. Konur á öllum aldri koma saman á hlaupadegi og eiga skemmtilega stund þar sem sumar hlaupa en aðrar ganga. Í 30 ár hafa þúsundir kvenna um allt land notið þess að hreyfa sig saman í Kvennahlaupinu og í því hafa konur getað sameinað tvo mikilvæga þætti í lífinu, hreyfingu og samveru. Hlaupið er á meira en 80 stöðum um allt land sem og erlendis. Kvennahlaupið hefur meðal annars verið haldið í Danmörku, Noregi, Svíþjóð, Færeyjum, Þýskalandi, Belgíu, Sviss, Lúxemborg, Mallorca, víða í Bandaríkjunum, Mósambík og Namibíu. Hvar sem konur eru niðurkomnar þá eru þær partur af einhverju stærra þegar þær taka þátt í Kvennahlaupinu.
Fyrirmyndarhéruð ÍSÍ og Fyrirmyndarfélög ÍSÍ
Mikil vakning er þessi misserin hvað varðar áhuga á viðurkenningum ÍSÍ fyrir fyrirmyndarstarf. Íþróttahéruðin eru hvert á fætur öðru farin að vinna að því að uppfylla skilyrði ÍSÍ hvað þetta varðar. Athyglisvert er að í stefnum og samþykktum sveitarfélaga og íþróttahéraða má í auknum mæli finna ákvæði um þessar viðurkenningar og þar með aukið faglegt starf í málefnum íþrótta. Sem dæmi má nefna að í Íþróttastefnu Akureyrarbæjar og Íþróttabandalags Akureyrar er kveðið á um að ÍBA verði Fyrirmyndarhérað ÍSÍ og öll aðildarfélög ÍBA Fyrirmyndarfélög ÍSÍ. ÍBA er komið á fullt í þessari vinnu og aðildarfélögin líka, þ.e. þau þeirra sem ekki hafa þessa viðurkenningu nú þegar.
Yfirlýsing
.jpg?proc=NewsListImage){kind=logo}
Forsýning á heimildarmynd um Sjóvá Kvennahlaup ÍSÍ
.JPG?proc=NewsListImage)
Í gær var boðið til forsýningar á heimildarmynd um Sjóvá Kvennahlaup ÍSÍ sem gerð var í tilefni af 30 ára sögu hlaupsins. Myndin var sýnd í Laugarásbíó þar sem margt af forsvarsfólki hlaupsins var mætt ásamt góðum gestum. Myndin fangar sögu hlaupsins undanfarin 30 ár á skemmtilegan hátt og eiga Arnar Þórisson og Stefán Drengsson þakkir skilið fyrir vel unnin störf. Allir fá tækifæri til að horfa á þessa skemmtilegu og merku heimildarmynd á annan í Hvítasunnu á RÚV kl.19:40.
Áherslan á samstöðu kvenna
.JPG?proc=NewsListImage)
Þann 15. júní nk. fer Sjóvá Kvennahlaup ÍSÍ fram. Í ár fer hlaupið fram í þrítugasta skipti, en fyrsta Kvennahlaupið var haldið árið 1990. Upphaflega var markmið hlaupsins að fá fleiri konur út að hreyfa sig og að hvetja konur til þátttöku í starfi íþróttahreyfingarinnar á Íslandi. Þau markmið hafa um margt náðst þar sem konur hreyfa sig mun meira í dag en fyrir 30 árum, íslenskar íþróttakonur eru að ná frábærum árangri á heimsvísu og margar konur í forsvari fyrir íþróttahreyfinguna hérlendis. Í dag er áherslan ekki hvað síst á samstöðu kvenna, að hver njóti þess að hreyfa sig á sínum forsendum og eigi ánægjulega samverustund með fjölskyldu og vinum. Hlaupið er árviss viðburður hjá mörgum konum sem taka daginn frá til að hlaupa með dætrum, mæðrum, ömmum, systrum, frænkum og vinkonum sínum og margir karlmenn slást líka í hópinn.
Viltu verða þjálfari?
.png?proc=NewsListImage)
Sumarfjarnám 1. og 2. stigs Þjálfaramenntunar ÍSÍ hefst 18. júní nk. og tekur það átta vikur á 1. stigi en fimm vikur á 2. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni. Nám beggja stiga er allt í fjarnámi, engar staðbundnar lotur. Námið hefur verið afar vinsælt undanfarin ár og þátttakendur komið frá fjölda íþróttagreina. Námið veitir réttindi til íþróttaþjálfunar og jafnframt rétt til áframhaldandi náms til frekari réttinda.
Hrafnhildur og Matthías flogin út til Ólympíu
Ár hvert er tveimur einstaklingum boðið að taka þátt í námskeiði í Ólympíu á vegum Ólympíuakademíunnar. Auglýst var eftir umsóknum og urðu tveir fyrir valinu, einn af hvoru kyni. Í þetta sinn voru þau Hrafnhildur Lúthersdóttir úr sundi og Matthías Heiðarsson úr frjálsum valin til fararinnar.