2019 Svartfjallaland
Smáþjóðaleikar fóru fram í Svartfjallalandi 27. maí-1. júní 2019. Keppnisgreinar voru frjálsíþróttir, sund, júdó, skotíþróttir, tennis, borðtennis, karfa, blak, strandblak og boules.
GSSE 2019: Fyrsti dagur
Keppni á Smáþjóðaleikunum hefst í dag. Hér má sjá grófa dagskrá:
Sagan í forgrunni á setningarhátíð Smáþjóðaleikanna
Setningarhátíð Smáþjóðaleikanna 2019 fór fram í kvöld kl.21.00 að staðartíma (kl. 19.00 ísl. tíma). Guðbjörg Jóna Bjarnadóttir frjálsíþróttakona var fánaberi íslenska hópsins.
Guðbjörg Jóna fánaberi
Guðbjörg Jóna Bjarnadóttir, 17 ára keppandi í frjálsíþróttum, verður fánaberi Íslands við setningarhátíð Smáþjóðaleikanna 2019 sem fer fram kl. 21 að staðartíma í kvöld. Guðbjörg Jóna var einnig fánaberi á Ólympíuleikum ungmenna 2018 í Buenos Aires. Á þeim leikum vann hún 200m hlaupið og varð þar með fyrst Íslendinga til að vinna til gullverðlauna á Ólympíuleikum ungmenna ásamt því að vera fyrst til að vinna til gullverðlauna á leikum á vegum Alþjóðaólympíunefndarinnar (IOC). Sama ár varð hún Evrópumeistari U18 ára í 100 metra hlaupi á Evrópumeistaramóti U18 ára í frjálsíþróttum í Ungverjalandi 2018.
Setningarhátíð Smáþjóðaleikanna í kvöld
Í gærkvöldi fór fram fyrsti fararstjórafundur íslenska hópsins á Smáþjóðaleikunum. Þegar að allir höfðu komið sér fyrir í herbergjum var ákveðið að hittast á skrifstofu ÍSÍ og taka stöðuna. Íslenski hópurinn gistir allur í sömu byggingu í bænum Budva, en allir þátttakendur á leikunum eru á þessu svæði. Stemmningin í hópnum er stórgóð.
Íslenski hópurinn mættur til Svartfjallalands
Í morgun hélt hópurinn af stað sem fer á Smáþjóðaleikana í Svartfjallalandi. Flestir þátttakendurnir hittumst í Íþróttamiðstöðinni í Laugardal. Flogið var beint til Podgorica og lent kl.21 að staðartíma (19 á ísl. tíma). Leikarnir fara fram 27. maí til 1. júní. Samtals eru íslenskir þátttakendur 184, en 120 keppendur eru skráðir til leiks. Íslendingar taka þátt í átta íþróttagreinum af þeim tíu sem keppt verður í á leikunum. Keppnisgreinarnar eru; frjálsíþróttir, sund, júdó, skotíþróttir, tennis, borðtennis, körfuknattleikur, blak, boules og strandblak, en Ísland teflir ekki fram þátttakendum í þeim tveim síðastnefndu. Allir þátttakendur á leikunum munu gista á sama hótelinu í strandbænum Budva sem liggur að Adríahafinu. Keppni hefst á þriðjudaginn.
Keppendur spenntir fyrir Smáþjóðaleikunum
Í gær hittist hópurinn sem fer á Smáþjóðaleikana. Stuttur fundur um leikana fór fram í Laugardalshöll, en aðalfararstjóri leikanna, Örvar Ólafsson, fór yfir aðstæður í Svartfjallalandi með þátttakendum. Lárus L. Blöndal, forseti ÍSÍ, ávarpaði hópinn og óskaði keppendum góðs gengis á leikunum. Hver og einn þátttakandi fékk afhendan bakpoka með sínum Peak fatnaði, en gert er ráð fyrir að þátttakendur klæðist eins fatnaði við ferðalag til og frá Svartfjallalandi ásamt því að vera eins klædd á setningarhátíð leikanna. Hvert sérsamband fyrir sig sér síðan um keppnisfatnað fyrir sína keppendur.
Allur hópurinn sem fer til Svartfjallalands
.JPG?proc=150x150){kind=logo}
Næstu Smáþjóðaleikar fara fram í Svartfjallalandi 27. maí til 1. júní 2019. Nú liggja fyrir tilnefningar allra sérsambanda, bæði í einstaklingsgreinum og hópgreinum. Lokaskráning gerir ráð fyrir að Ísland verði með 60 keppendur af hvoru kyni á leikunum. Auk þeirra munu 35 liðsstjórar og þjálfarar fylgja hópnum. Níu sjúkraþjálfarar munu fylgja sérsamböndunum og átta íslenskir dómarar munu starfa á leikunum.
6 dagar til Smáþjóðaleika
Í dag eru 6 dagar þar til Smáþjóðaleikarnir verða settir í Svartfjallalandi. Skemmtilegt er frá því að segja að í þetta sinn sendir ÍSÍ 60 kvenkyns keppendur til leiks og 60 karlkyns keppendur. Samtals eru íslenskir þátttakendur 185.
Grænir Smáþjóðaleikar
.jpg?proc=150x150){kind=logo}
Næstu Smáþjóðaleikar fara fram í Svartfjallalandi 27. maí til 1. júní 2019. Í dag eru tvær vikur til leika. Slagorð leikanna að þessu sinni er “Be fair by nature”, en Svartfjallaland er hluti af áætluninni „Grænir leikar“ sem styrkt er af Ólympíusamhjálpinni, þar sem markmiðið er að koma á fót sjálfbærum íþróttaviðburði. Áætlunin samanstendur af því að setja fram ákveðna umhverfisstaðla sem tengjast skipulagningu íþróttaviðburða ásamt menntun og kynningu á umhverfismálum.
100 dagar til Smáþjóðaleika
Næstu Smáþjóðaleikar fara fram í Svartfjallalandi 27. maí til 1. júní 2019. Í dag eru 100 dagar til leika. Svartfjallaland tók þátt í fyrsta sinn á Smáþjóðaleikunum árið 2011 og er nú í fyrsta sinn gestgjafi leikanna. Keppnisgreinar á leikunum eru frjálsíþróttir, sund, júdó, skotíþróttir, tennis, borðtennis, körfuknattleikur, bowls, blak og strandblak. Allir þátttakendur á leikunum munu gista á sama hótelinu í strandbænum Budva sem liggur að Adríahafinu. Íslendingar hafa verið afar sigursælir á Smáþjóðaleikum í gegnum tíðina og alla jafna er stór hópur fólks sem tekur þátt í leikunum fyrir Íslands hönd.
Smáþjóðaleikar 2019
Næstu Smáþjóðaleikar fara fram í Svartfjallalandi 27. maí til 1. júní 2019. Þann 31. júlí sl. voru 300 dagar til leika. Svartfjallaland tók þátt í fyrsta sinn á Smáþjóðaleikunum árið 2011 og er nú í fyrsta sinn gestgjafi leikanna. Keppnisgreinar á leikunum eru frjálsíþróttir, sund, júdó, skotíþróttir, tennis, borðtennis, körfuknattleikur, bowls, blak og strandblak. Allir þátttakendur á leikunum munu gista á sama hótelinu í strandbænum Budva sem liggur að Adríahafinu. Íslendingar hafa verið afar sigursælir á Smáþjóðaleikum í gegnum tíðina og alla jafna er stór hópur fólks sem tekur þátt í leikunum fyrir Íslands hönd.
Smáþjóðaleikar Evrópu - Eitt ár í leika
Aðalfundur og fundur tækninefndar Smáþjóðaleika Evrópu fóru fram í gær og í dag í borginni Budva í Svartfjallalandi. Fundina sóttu þau Lárus L. Blöndal forseti ÍSÍ, Líney Rut Halldórsdóttir framkvæmdastjóri ÍSÍ og Andri Stefánsson sviðsstjóri Afreks- og Ólympíusviðs ÍSÍ sem einnig á sæti í tækninefnd leikanna.