Íþrótta- og Ólympíusamband Íslands

Engjavegur 6, 104 Reykjavík / Íþróttahöllin v/Skólastíg, 600 Akureyri
Sími: 514-4000 
Netfang: isi@isi.is

Kennitala: 670169-0499

Skrifstofa ÍSÍ er opin mán.-fim. frá 8.30-16.30 og föstudaga frá 8.30-16.00.
Lokað er laugardaga og sunnudaga.

Forseti ÍSÍ er Lárus L. Blöndal

Framkvæmdastjóri ÍSÍ er Andri Stefánsson, s. 514-4005 / 863-1525, andri@isi.is. 

Ljósmyndir af viðburðum ÍSÍ er að finna á myndasíðu ÍSÍ, myndir.isi.is. Ef áhugi er fyrir því að hlaða niður mynd má hafa samband við isi@isi.is og fá lykilorð. Myndir skal merkja ÍSÍ.

Vörumerki ÍSÍ

ÍSÍ merki í pdf

Skipulag 

Í lögum ÍSÍ er fjallað um skipulag sambandsins.

Sambandið heitir Íþrótta- og Ólympíusamband Íslands, skammstafað ÍSÍ. Það er æðsti aðili frjálsrar íþróttastarfsemi í landinu, sbr. ákvæði íþróttalaga.

ÍSÍ er landssamband héraðssambanda/íþróttabandalaga og sérsambanda. Aðilar að héraðssamböndum/íþróttabandalögum eru félög sem hafa iðkun íþrótta á stefnuskrá sinni. Aðilar að sérsamböndum eru héraðssamböndin/íþróttabandalögin.

Héraðssambönd/íþróttabandalög eru mynduð eftir legu og aðstöðu til samvinnu um iðkun íþrótta.  

Sérsambönd eru mynduð um ákveðnar íþróttagreinar og eru landsamtök allra héraðssambanda, sbr. kafla 6, sem hafa iðkun þeirrar íþróttagreinar á stefnuskrá sinni. Þau félög innan hvers héraðssambands/íþróttabandalags sem leggja stund á sömu íþróttagrein, geta myndað sérráð. Aðeins má viðurkenna eitt sérsamband fyrir hverja íþróttagrein. Er þá við miðað, að það samband verði eða geti orðið aðili að alþjóðasérsambandi fyrir þá íþróttagrein, er njóti viðurkenningar Alþjóðaólympíunefndarinnar.
 
Ólympísk sérsambönd eru þau sambönd, er eiga aðild að viðurkenndu alþjóðasérsambandi fyrir íþróttagreinar, sem eru á dagskrá Ólympíuleikanna. Ber þessum samböndum að halda uppi virkri starfsemi á sviði íþróttagreinar sinnar heima fyrir og á alþjóðavettvangi, einkum með því að skipuleggja og taka þátt í keppnismótum og sjá fyrir kerfisbundinni þjálfun íþróttamanna.