Í ár var Lífshlaupið í samstarfi við European Week of Winter Sport (EWWS). EWWS er Evrópuverkefni á vegum L’ORMA á Ítalíu og er hluti af ERASMUS+. Markmiðið er að efla samstarf og sýnileika íþróttasamtaka í Evrópu og hvetja fólk á öllum aldri til aukinnar hreyfingar og vetraríþrótta.

ÍSÍ er stoltur samstarfsaðili, og með því að tengja Lífshlaupið við verkefnið var skapaður vettvangur þar sem heilsuefling á Íslandi, fékk aukið vægi á evrópskum vettvangi. Markmiðið var að hvetja fólk til reglulegrar hreyfingar, styrkja tengsl við íþróttahreyfinguna og styðja við jákvæð samfélagsáhrif.

Í kjölfarið hlaut Lífshlaupið viðurkenningu fyrir þátttöku og framlag sitt til heilsueflingar almennings.