Vetrarólympíuhátíð Evrópuæskunnar verður sett sunnudaginn 9. febrúar nk. kl. 15 að íslenskum tíma.

Alpagreinahópurinn kom til Bakuriani  7. febrúar og voru allir í hópnum hressir þrátt fyrir langt ferðalag að heiman. Þau komu sér fyrir á hótelinu og voru ánægð með gistiaðstöðu.  Fóru því næst á létta æfingu og undirbjuggu skíðin sín fyrir næstu æfingu. Í dag, laugardag, koma keppendur og föruneyti úr skíðagöngu og snjóbrettum til Bakuriani og sama dag mæta listskautarnir til Batumi.

Streymt verður frá setningarhátíðinni og einnig frá keppnisviðburðum Vetrarólympíuhátíðarinnar á sjónvarpsrás Evrópusambands Ólympíunefnda (EOC).