Ísland átti þrjá keppendur í svigi á Vetrarólympíuleikum ungmenna í Gangwon í dag. Eyrún Erla Gestsdóttir var 43. eftir fyrri ferð og endaði í 31. sæti af 78 keppendum en Þórdís Helga Grétarsdóttir, sem var í 44. sæti eftir fyrri ferðina náði ekki að klára seinni ferðina og lauk því ekki keppni. Dagur Ýmir Sveinssonvar í 41. sæti eftir fyrri ferð en vann sig upp í 25. sæti í seinni ferðinni. Góður dagur hjá íslenska hópnum í dag.

Íslensku keppendurnir í alpagreinum hafa nú lokið keppni á leikunum.

Þann 29. janúar hefst svo keppni í skíðagöngu þar sem þau Hjalti Böðvarsson og María Kristín Ólafsdóttir taka þátt.

Upplýsingasíða fyrir Vetrarólympíuleika ungmenna í Gangwon.