Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
20.09.2024 - 21.09.2024

Ársþing SKÍ 2024

Ársþing Skíðasambands Íslands verður haldið...
20

„Fjársjóður fyrir okkur að hafa bakhjarl eins og ÍSÍ“

28.04.2023

 

Ungmennafélagið Afturelding fékk endurnýjun viðurkenningar félagsins á aðalfundi þess í Hlégarði í Mosfellsbæ fimmtudaginn 27. apríl síðastliðinn.  Allar 11 deildir félagsins fengu viðurkenninguna auk aðalstjórnar.  Það var Andri Stefánsson framkvæmdastjóri ÍSÍ sem sá um að afhenda viðurkenningarnar fyrir hönd ÍSÍ. 

Á myndinni eru í efri röð frá vinstri: Andri Stefánsson, Bjarni Gíslason deildarstjóri fimleikadeildar með dóttur sína Aþenu á öxlunum, Ragnheiður Vídalín Gísladóttir formaður Taekwondodeildar, Anna Olsen formaður Karatedeildar, Guðrún Kristín Einarsdóttir formaður og guðmóðir blakdeildar, Erla Eiríksdóttir formaður knattspyrnudeildar, Teitur Ingi Valmundsson formaður frjálsíþróttadeildar, Ólafur Örn Bragason formaður hjóladeildar, Hrannar Örn Jónsson stjórnarmaður í körfuknattleiksdeild og Valdimar Leó Friðriksson úr framkvæmdastjórn ÍSÍ sem krýndur var heiðursfélagi Aftureldingar.  Í neðri röð frá vinstri eru Brynjar Jóhannesson formaður sunddeildar, Sveinbjörn Pétur Guðmundsson stjórnarmaður í badmintondeild, Birna Kristín Jónsdóttir formaður aðalstjórnar og Erla Dögg Ragnarsdóttir formaður meistaraflokksráðs kvenna í handknattleik.  Myndina tók Raggi Óla. 

„Það er mjög mikilvægt fyrir félagið að hafa alla ferla uppfærða í síbreytilegu umhverfi sem íþróttastarf er í. Það er dýrmætt að geta leitað á einn stað varðandi hin ýmsu mál sem upp koma í íþróttastarfinu. Handbækurnar styðja við þetta þar sem þar er að finna hinar ýmsu upplýsingar og fróðleiksmola sem hafa reynst forráðamönnum, þjálfurum og stjórnarmönnum vel. Einnig er alger fjársjóður fyrir okkur að hafa bakhjarl eins og ÍSÍ.“