Árþing USVS var haldið þann 12. apríl á Hótel Kötlu í Vík í Mýrdal.  Á þingið mættu 26 þingfulltrúar af 30, frá sex aðildarfélögum USVS. Þingið fór vel fram á fallegum vordegi. Farið var yfir hefðbundin störf, s.s. skýrslu stjórnar, árskýrslur og fleira. 

Litlar breytingar urðu á stjórn USVS. Ragnar Þorsteinsson hætti í stjórn og í stað hans kom Fanney Ólöf Lárusdóttir stjórn en hún hafði áður verið í varastjórn. Þuríður Lilja Valtýrsdóttir kom inn í varastjórn í hennar stað. 
Hér má finna ársskýrslu

Fyrir hönd ÍSÍ voru mættir Hafsteinn Pálsson, 2.varaforseti ÍSÍ og Garðar Svansson, úr framkvæmdastjórn og sæmdu þeir Sigmar Helgason og Svein Þorsteinsson Gullmerki ÍSÍ fyrir þeirra störf í þágu íþróttanna.  ÍSÍ óskar þeim innilega til hamingju með viðurkenningarnar. 

Meðfylgjandi eru myndir frá þinginu.