Íslenski hópurinn aðlagast vel
![](/library/Myndir/Frettamyndir/273126827_5232934890085213_3731124328298407467_n.jpg?proc=400x400)
Íslensku keppendurnir á Vetrarólympíuleikunum í Peking eru í óða önn að aðlagast aðstæðum í Kína. Það hefur verið kalt uppi í fjöllunum síðustu daga og kuldinn farið í -17°C. Vistarverur hópsins í Ólympíuþorpunum eru ansi hráar við afhendingu og er það hlutverk ÍSÍ að búa þær þannig út að vel fari um hópinn á meðan á dvölinni stendur. ÍSÍ útvegar húsgögn og búnað í sameiginleg rými hópsins og eru dagarnir fyrir setningu leikanna ansi annasamir fyrir þá sem eru í fararstjórn við að koma öllu í stand.
Íslenski hópurinn sem fer á Paralympics, sem haldnir eru í kjölfar Ólympíuleika, nýtur svo góðs af þeim búnaði sem ÍSÍ hefur keypt og sett í notkun í Ólympíuþorpunum því allt er geymt í þorpinu þangað til hópurinn mætir á Paralympics.