Lárus L. Blöndal forseti ÍSÍ og Líney Rut Halldórsdóttir framkvæmdastjóri ÍSÍ eru komin til Tókýó. Þau munu verða viðstödd setningarhátíð Ólympíuleikanna, sem hefst kl. 11:00 í dag. Hátíðina sækja einungis forsetar og framkvæmdastjórar Ólympíunefnda ásamt þjóðhöfðingjum og háttsettum fulltrúum alþjóðasérsambanda. Lárus og Líney munu svo fylgjast með keppni íslensku þátttakendanna fyrstu daga leikanna. 

Strangar reglur gilda um veru gesta í Tókýó og meðal annars eru miklar takmarkanir á ferðafrelsi um borgina en neyðarstig er í gildi í borginni fram yfir Ólympíuleika vegna smitstöðu kórónuveirufaraldursins.  Lárus og Líney fengu þó að kíkja inn í Ólympíuþorpið í dag áður en haldið var á Ólympíuleikvanginn á setningarhátíðina.