Á Instagram síðu ÍSÍ, @isiiceland, hefur sjónum verið beint að íslensku afreksíþróttafólki undanfarna mánuði. Fólk hefur fengið innsýn í daglegt líf afreksíþróttafólks sem margt hvert keppir um að komast á Ólympíuleikana í Tókýó í júlí á þessu ári.

Á morgun munu fjórir íslenskir íþróttamenn sem allir keppa um að komast til Tókýó, Ásdís Hjálmsdóttir, Guðni Valur Guðnason, Guðlaug Edda Hannesdóttir og Kári Gunnarsson, taka yfir Instagram síðu ÍSÍ og sýna okkur hinum hvernig undirbúningur þeirra er fyrir leikana þrátt fyrir stöðuna í samfélaginu vegna Covid-19.

Þeir sem vilja fylgjast með fjórmenningunum geta fylgt Instagram síðu ÍSÍ og fengið upplifunina beint í símann.