Þrír voru sæmdir Gullmerki ÍSÍ við setningu ársþings Golfsambands Íslands (GSÍ) á föstudaginn sl., þeir Eggert Ágúst Sverrisson, Bergsteinn Hjörleifsson og Gunnar K. Gunnarsson. Þeir sátu allir í stjórn GSÍ, en gáfu ekki kost á sér til endurkjörs. GSÍ sæmdi þá herramenn einnig Gullmerki GSÍ. Ingi Þór Ágústsson úr framkvæmdastjórn ÍSÍ afhenti þeim merkin fyrir hönd ÍSÍ, en hann var einnig fulltrúi ÍSÍ á þinginu.