Knattspyrnufélag Reykjavíkur fékk viðurkenningu sem Fyrirmyndarfélag ÍSÍ fyrir allar deildir félagsins sem eru virkar og með viðurkennda íþróttagrein miðvikudaginn 24. október síðastliðinn. Það var Þráinn Hafsteinsson úr framkvæmdastjórn ÍSÍ og jafnframt formaður Þróunar- og fræðslusviðs sem afhenti viðurkenningarnar til fulltrúa deildanna níu auk viðurkenningar til aðalstjórnar sem Gylfi Dalmann Aðalsteinsson tók við. Á myndinni er Þráinn Hafsteinsson lengst til hægri, Gylfi Dalmann við hlið hans og svo fulltrúar deildanna níu.