Vetrarólympíuhátíð Evrópuæskunnar fer fram í Erzurum í Tyrklandi 12. – 17. febrúar. Framkvæmdastjórn Íþrótta- og Ólympíusambands Íslands hefur samþykkt tilnefningar frá Skíðasambandi Íslands og Skautasambandi Íslands um íþróttamenn, flokksstjóra og þjálfara til þátttöku á leikunum. Fararstjóri í ferðinni verður Örvar Ólafsson og sjúkraþjálfari verður Halla Sif Guðmundsdóttir. Á myndinni sem fylgir má sjá hluta þátttakenda á undirbúnings og upplýsingafundi sem haldinn var vegna ferðarinnar.