Nefnd Evrópusambands Ólympíunefnda (EOC) um Evrópumálefni hittist á dögunum á EU-skrifstofu samtakanna í Brussel. Lárus L. Blöndal forseti ÍSÍ á sæti í nefndinni.

Juri Tamm, formaður nefndarinnar, stýrði fundinum ásamt Folker Hellmund sem stýrir skrifstofunni. Farið var yfir helstu málefni sem skrifstofan hefur til umfjöllunar þessa dagana svo sem innleiðingu Agenda 2020, styrki til ólympíunefnda, EU Sport Model og verkefni um góða stjórnunarhætti. Nefndin kynnti niðurstöður fundarins á aðalfundi Minsk í Hvíta-Rússlandi dagana 20.-21. október sl.

Á myndinni má sjá frá vinstri: Valentin Capelli, Matthias Van Baelen, Folker Hellmund, Rusika Aptsiauri frá Georgíu, Niels Nygaard frá Danmörku, Juri Tamm frá Eistlandi og Lárus L. Blöndal forseta ÍSÍ.