14.08.2016Nú er tímabil Ólympíuleikanna í Ríó 2016 hálfnað. Fyrstu íslensku þátttakendurnir eru farnir að tínast heim, frjálsíþróttahópurinn sem dvalið hefur við æfingar utan við Ríó er kominn í þorpið. Tveir íslenskir íþróttamenn eiga eftir að keppa á leikunum. Það eru frjálsíþróttakonurnar tvær, Ásdís Hjálmsdóttir og Aníta Hinriksdóttir. Hægt verður að fylgjast með þeim í beinni útsendingu á RÚV. Lokahátíð leikanna verður haldin sunnudagskvöldið 21. ágúst.