Beint á efnisyfirlit síðunnar

Á döfinni

29

Einn mánuður í næstu Ólympíuleika

05.07.2016

Föstudaginn 5. ágúst nk. verða Ólympíuleikarnir settir með formlegum hætti á Maracana vellinum í Ríó de Janeiro.

Þegar aðeins einn mánuður er til stefnu má segja að langt ferli sé að ná hámarki.  Fyrir sjö árum fékk borgin Ríó de Janeiro úthlutað Sumarólympíuleikunum og verður þar með fyrsta borgin í Suður-Ameríku til að halda þennan stærsta íþróttaviðburð í heimi.

Á síðustu mánuðum hafa verið haldin fjölmörg  æfingamót í Ríó til þess að undirbúa þá keppni sem er framundan.  Leikarnir í ár verða með tveimur Ólympíusvæðum, en í allt fara íþróttagreinarnar fram í 32 mannvirkjum á fjórum svæðum/hverfum í borginni.

Framkvæmdastjórn ÍSÍ staðfesti á fundi sínum í síðustu viku keppnisþátttöku þeirra sjö íþróttamanna sem náð hafa lágmörkum eða unnið sér inn keppnisrétt fram að þessu.  En er vonast eftir að fleiri íslenskir keppendur öðlist þátttökurétt og mun það koma í ljós á næstu dögum.

Heimasíða leikanna geymir skemmtilegar sögur og fréttir af undirbúningi sem vert er að skoða - https://www.rio2016.com/en