GKG fyrirmyndarfélag ÍSÍ
15.04.2016Golfklúbbur Kópavogs og Garðabæjar fékk endurnýjun viðurkenningar félagsins sem fyrirmyndarfélag ÍSÍ laugardaginn 9. apríl síðastliðinn. Þann dag fékk félagið einnig afhenta nýja og glæsilega aðstöðu við Vífilsstaði í Garðabæ. Það var Lárus Blöndal forseti ÍSÍ sem afhenti formanni félagsins Finni Sveinbjörnssyni viðurkenninguna. Á myndinni eru frá vinstri þeir Lárus og Finnur ásamt ungum golfiðkendum í GKG með fána fyrirmyndarfélaga ÍSÍ.