Vorfjarnám ÍSÍ í þjálfaramenntun 1. og 2. stigs er nú í fullum gangi.  Vika 5 af 8 er nú að líða á 1. stigi og námi á 2. stigi er að ljúka um helgina.  Um 50 nemendur eru í þessu fjarnámi en námið gildir jafnt fyrir allar íþróttagreinar.  Nemendur koma frá fjölmörgum íþróttagreinum og eru búsettir mjög víða um landið.  Sérgreinaþátt námsins taka nemendur svo hjá viðkomandi sérsambandi ÍSÍ.  Það er mikill áhugi á þjálfaramenntun þessi misserin og mörg íþróttafélög hafa skýra stefnu um menntun þjálfara sinna.  Öll fyrirmyndarfélög ÍSÍ eru t.d. með slíka stefnu. 

Allar frekari upplýsingar um þjálfaramenntun ÍSÍ gefur Viðar Sigurjónsson á vidar@isi.is eða í síma 514-4000.