Illugi Gunnarsson mennta- og menningarmálaráðherra heimsótti íslenska hópinn í Ólympíuþorpið á Vetrarólympíuleikum ungmenna fyrr í dag. Illugi situr fund ráðherra íþróttamála Norðurlandanna sem haldinn er í Lillehammer. Illugi skoðaði aðstæður í Ólympíuþorpinu, heimsótti vistarverur íslenska hópsins og heilsaði uppá þátttakendur. Á morgun mun ráðherra ná að fylgjast með keppni í alpagreinum þar sem við eigum fulltrúa.