Knattspyrnudeild Breiðabliks fyrirmyndardeild ÍSÍ
27.01.2016Knattspyrnudeild Breiðabliks fékk endurnýjun viðurkenningar sinnar sem fyrirmyndardeild ÍSÍ á Landsbankamóti Breiðabliks laugardaginn 23. janúar síðastliðinn. Það var Sigríður Jónsdóttir ritari ÍSÍ og formaður Þróunar- og fræðslusviðs sem afhenti forystumönnum deildarinnar viðurkenninguna á milli leikja á þessu stóra knattspyrnumóti 5. fl. drengja. 