21.08.2015Slökkviliði höfuðborgarsvæðisins var nýlega færður þakklætisvottur frá Íþrótta- og Ólympíusambandi Íslands fyrir samstarfið á Smáþjóðaleikunum sem fóru fram í júní sl. Slökkviliðið lánaði mannskap, búnað og þekkingu við undirbúning leikanna sem og á meðan á leikunum stóð. Ingi Þór Ágústsson formaður heilbrigðisráðs ÍSÍ veitti Jóni Viðari Matthíassyni slökkviliðsstjóra höfuðborgarsvæðisins viðurkenninguna ásamt hollu nesti fyrir mannskapinn í formi íslensks grænmetis. Á miðri myndinni er einnig Guðjón Einar Guðjónson slökkviliðsmaður sem tók virkan þátt í starfi heilbrigðisþjónustunnar á Smáþjóðaleikunum.