Vetrarólympíuhátíðin er nú að hefjast í tólfta sinn. Alls eru keppendur á hátíðinni um 900, þess utan eru um 600 þjálfarar og fararstjórar sem fylgja þátttökuþjóðunum. Alls sendu 45 Evrópuþjóðir keppendur til leiks. Keppni stendur frá mánudegi til föstudags. Hátíðinni verður svo slitið á föstudagskvöldið.

Íslensku þátttakendurnir skemmtu sér vel á setningarhátíðinni. Á morgun hefst keppni í öllum greinum sem keppt er í á leikunum. Á myndinni sem fylgir fréttinni má sjá fánabera íslenska hópsins Andreu Björk Birkisdóttur.