Umsóknarfrestur í Afrekskvennasjóð Íslandsbanka og ÍSÍ að renna út
18.09.2014Afrekskvennasjóður Íslandsbanka og ÍSÍ auglýsir eftir umsóknum um
styrki vegna úthlutunar ársins 2014. Umsóknarfrestur er til og með
föstudagsins 19. september. Afrekskvennasjóður Íslandsbanka og ÍSÍ var stofnaður með framlagi bankans árið 2007. Markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Er nú verið að úthluta í tíunda sinn úr sjóðnum.
Nánar er hægt að lesa sér til um sjóðinn og nálgast umsóknareyðublöð á heimasíðu ÍSÍ, sjá hér. Með fréttinni fylgir mynd frá síðustu úthlutun sjóðsins fyrir árið 2013. Á myndinni má sjá styrkþega eða fulltrúa þeirra auk Birnu Einarsdóttur bankastjóra Íslandsbanka, Lárusar L. Blöndal forseta ÍSÍ, Helgu Magnúsdóttur formann sjóðsstjórnar og Kristínu Rós Hákonardóttur sem sæti á í stjórn sjóðsins.