Ársþing Ungmennasambands A-Húnvetninga var haldið í félagsaðstöðu Samstöðu á Blönduósi laugardaginn 8. mars sl. Þingið var vel sótt en ríflega 30 fulltrúar mættu frá aðildarfélögum sambandsins. Nokkrar tillögur voru lagðar fyrir þingið og voru umræður góðar.
Aðalbjörg Valdimarsdóttir formaður og Hafdís Vilhjálmsdóttir varaformaður voru endurkjörnar í stjórn til næstu tveggja ára auk þess sem Rannveig Lena Gísladóttir var kjörin gjaldkeri til eins árs. Aðrir í stjórn eru Guðrún Sigurjónsdóttir meðstjórnandi og Sigrún Líndal ritari.
Hvatningarverðlaun USAH hlaut Hestamannafélagið Neisti fyrir mikið og gott starf og þá ekki síst í barna- og unglingaíþróttum.
Fulltrúi ÍSÍ á þinginu var Líney Rut Halldórsdóttir framkvæmdastjóri sem flutti stutt ávarp við setningu þings.