03.03.2014Ungmennasamband Skagafjarðar hélt ársþing sitt í Höfðaborg á Hofsósi sunnudaginn 2. mars síðastliðinn og var þingið að þessu sinni í boði Hestamannafélagsins Svaða. Þingið var í meira lagi starfsamt enda alls um 19 tillögur sem lágu fyrir þinginu. Tillögurnar hlutu sumar hverjar heilmikla umræðu, bæði inni í nefndarstörfum og í þingsal að þeim loknum. Töluverðar breytingar urðu á þeim tillögum sem hvað mesta umræðu fengu en í öllum tilfellum var umræða málefnleg og henni stýrt af röggsemi af þingforsetunum Gunnari Sigurðssyni og nafna hans Gestssyni. Meðal tillagna sem lágu fyrir má nefna tillögur um breytingar á lottóreglugerð, breytingar á reglum um kjör á íþróttamanni, íþróttaliði og íþróttaþjálfara Skagafjarðar, breytingar á fjárhagslegu sjálfstæði nefnda UMSS o.fl. Jón Daníel Jónsson var endurkjörinn formaður sambandsins með lófaklappi. Fulltrúi ÍSÍ á þinginu var Viðar Sigurjónsson Skrifstofustjóri ÍSÍ á Akureyri. Á myndinni er Jón Daníel Jónsson formaður UMSS.
03.03.2014Ungmennasamband Skagafjarðar hélt ársþing sitt í Höfðaborg á Hofsósi sunnudaginn 2. mars síðastliðinn og var þingið að þessu sinni í boði Hestamannafélagsins Svaða. Þingið var í meira lagi starfsamt enda alls um 19 tillögur sem lágu fyrir þinginu. Tillögurnar hlutu sumar hverjar heilmikla umræðu, bæði inni í nefndarstörfum og í þingsal að þeim loknum. Töluverðar breytingar urðu á þeim tillögum sem hvað mesta umræðu fengu en í öllum tilfellum var umræða málefnleg og henni stýrt af röggsemi af þingforsetunum Gunnari Sigurðssyni og nafna hans Gestssyni. Meðal tillagna sem lágu fyrir má nefna tillögur um breytingar á lottóreglugerð, breytingar á reglum um kjör á íþróttamanni, íþróttaliði og íþróttaþjálfara Skagafjarðar, breytingar á fjárhagslegu sjálfstæði nefnda UMSS o.fl. Jón Daníel Jónsson var endurkjörinn formaður sambandsins með lófaklappi. Fulltrúi ÍSÍ á þinginu var Viðar Sigurjónsson Skrifstofustjóri ÍSÍ á Akureyri. Á myndinni er Jón Daníel Jónsson formaður UMSS.