Einar Kristinn Kristgeirsson og Brynjar Jökull Guðmundsson hafa lokið fyrri ferð í stórsvigi á Vetrarólympíuleikunum í Sochi í dag.  Einar Kristinn er í 63. sæti og Brynjar Jökull í 65. sæti en seinni ferðin hefst um kl. 10:30. 

Bandaríkjamaðurinn Ted Ligety er með ágætis forskot fyrir seinni ferðina en aðeins Tékkinn Ondrej Bank er innan við sekúndu á eftir honum.  Einar Kristinn fór fyrri ferðina á 1:32,90 og er 11,82 sekúndum á eftir Ligety en Brynjar Jökull er 12,50 sekúndum á eftir Ligety.

Af 109 keppendum sem skráðir voru til leiks, skiluðu 79 sér í mark í fyrri ferðinni.