Í tengslum við ólympíuvikuna sem nú stendur yfir ætla samtök íslenskra ólympíufara að bjóða uppá fyrirlestur með Ólafi Stefánssyni í Íþróttamiðstöðinni í Laugardal kl:18:00. fimmtudaginn 27. júní. Erindið verður haldið í fundarsal E á þriðjuhæð.

Ólafur ætlar að ræða um þau umskipti að hætta keppni sem íþróttamaður og hvernig hann nálgaðist þá ákvörðun. Einnig ætlar hann að koma inn á hvernig íþróttir hafa mótað hann eftir því sem liðið hefur á ferilinn.  Eins og honum einum er lagið þá mun hann án efa blanda þessu saman með sínum heimspekilegu vangaveltum og hugmyndum um framtíðina í íþróttum á Íslandi.

Áhugasamir geta skráð sig á skraning@isi.is