13.03.2013Á ársþingi UMSB um síðastliðna helgi heiðraði Ólafur Rafnsson forseti ÍSÍ Ingimund Ingimundarson með Gullmerki ÍSÍ.  Meðfylgjandi mynd af þeim Ólafi og Ingimundi er tekin við þetta tækifæri.
Ingimundur er vel að heiðrinum kominn, hann hefur komið að starfi íþróttahreyfingarinnar um langt árabil, bæði á svæði UMSB og UÍA, sem þjálfari í frjálsíþróttum, sundi og boccia og sem framkvæmdastjóri UMSB svo fátt eitt sé nefnt.  Hann var einnig formaður framkvæmdanefndar Landsmóts UMFÍ í Borgarnesi 1997 og síðar framkvæmdastjóri Landsmóts á Egilsstöðum 2001.