Opnunarhátíð Lífshlaupsins fer fram í Flataskóla í Garðabæ, á morgun, miðvikudaginn 6. febrúar klukkan 11:00. Ólafur Rafnsson, forseti ÍSÍ, Katrín Jakobsdóttir, mennta- og menningarmálaráðherra, Geir Gunnlaugsson, landlæknir, Gunnar Einarsson, bæjarstjóri og Ólöf Sigurðardóttir, skólastjóri munu flytja stutt hvatningarávörp og taka þátt í léttri þraut í anda skólahreysti ásamt nemendum Flataskóla.