Beint á efnisyfirlit síðunnar

Á döfinni

24

Smáþjóðaleikar - GSSE

29.05.2017

GSSE 2017: Þátttakendur komast til San Marínó í gegnum Frakkland

Hluti af íslenskum þátttakendum á Smáþjóðaleikunum sat fastur í London í gær vegna bilunar í tölvukerfi flugvallarins British Airways. Hópurinn er lagður af stað frá London til Frakklands. Þaðan mun hópurinn halda áfram til San Marínó. ​Með þessum þátttakendum eru reynslumiklir aðilar sem halda vel utan um hópinn.
Nánar ...
29.05.2017

GSSE 2017: Hluti íþróttafólks kominn til San Marínó

Flestir íslenskir þátttakendur lögðu af stað frá Íslandi í gærmorgun, en samtals eru íslenskir þátttakendur tæplega 200. Flogið var til Amsterdam, Frankfurt og London. Þeir þátttakendur sem flugu til London komust síðan ekki lengra vegna bilunar í tölvukerfi flugvallarins.
Nánar ...
26.05.2017

GSSE 2017: Blaklandsliðin farin til San Marínó

Smáþjóðaleikarnir hefjast í San Marínó 29. maí og standa til 3. júní. Landsliðin í blaki og strandblaki eru öll farin utan. ​Kvennalandsliðið í blaki er í Varsjá í Póllandi og spilar þar í 2. umferð í undankeppni HM. Karlalandsliðið í blaki er í Lyon í Frakklandi og spilar þar í 2. umferð á HM í blaki. Strandblakið tekur þátt í æfingamóti á Spáni.
Nánar ...
24.05.2017

GSSE 2017: Fagteymið tilbúið

Smáþjóðaleikarnir fara fram 28. maí til 3. júní í San Marínó. Nýlega fór fram fundur með þeim aðilum sem verða í heilbrigðishlutverki á leikunum. Á fundinum var varið yfir ýmis atriði sem tengjast leikunum.
Nánar ...
19.05.2017

GSSE 2017: Íslenskir þátttakendur í Peak

Á miðvikudaginn sl. fór fram fundur blaklandsliða sem fara til San Marínó. Farið var yfir þau atriði sem huga þarf að hvað varðar þátttöku Íslands á leikunum. Þátttakendur fengu einnig sín föt afhent, en íslenskir þátttakendur munu klæðast fötum frá merkinu Peak á meðan á leikunum stendur.
Nánar ...
17.05.2017

Fundur flokksstjóra vegna Smáþjóðaleika 2017

Nú er í mörg horn að líta í lokaundirbúningi íslenska hópsins fyrir Smáþjóðaleikana 2017, sem fara fram í San Marínó frá 29. maí til 3. júní. Tæplega 200 manns eru í íslenska hópnum, þar af 136 keppendur. Af keppendum eru 73 karlar og 63 konur.
Nánar ...
09.12.2016

Illugi Gunnarsson og Ómar Einarsson sæmdir Gullmerki ÍSÍ

Framkvæmdastjórn ÍSÍ samþykkti á fundi sínum í gær, 8. desember, að sæma Illuga Gunnarsson mennta- og menningarmálaráðherra og Ómar Einarsson framkvæmdastjóra Íþrótta- og tómstundasviðs Reykjavíkurborgar Gullmerki ÍSÍ fyrir þeirra góðu störf í þágu íþróttahreyfingarinnar.​
Nánar ...
29.11.2016

Hálft ár í Smáþjóðaleika í San Marínó

Í dag er hálft ár þar til Smáþjóðaleikarnir í San Marínó verða settir. Leikarnir standa frá 29. maí - 3. júní 2017. Á þeim tímamótum þurfa þátttökuþjóðir að senda áætlaðan fjölda keppenda og í hvaða keppnisgreinum þeir munu taka þátt.
Nánar ...

Hugmyndina um íþróttakeppni smáþjóða Evrópu má rekja aftur til ársins 1981. Það var útbreidd skoðun að íþróttakeppni þar sem smáþjóðir öttu kappi saman gæti orðið til þess að efla anda og hugsjón ólympíuhreyfingarinnar og treysta jafnframt vináttubönd þjóðanna.

Til leikanna var stofnað að frumkvæði forseta Alþjóðaólympíunefndarinnar, J.A. Samaranch. 

Þátttökurétt eiga þjóðir með íbúatölu undir einni milljón. Þessar þjóðir eru: Andorra, Ísland, Kýpur, Liechtenstein, Lúxemborg, Malta, Mónakó og San Marínó. Að beiðni forseta IOC var Albaníu upphaflega boðið að vera með á leikunum þrátt fyrir að íbúatala hennar væri yfir einni milljón. Hún þáði ekki boðið, en hinar þjóðirnar hafa verið með allt frá byrjun. 

Smáþjóðaleikarnir fara fram á tveggja ára fresti í einu af löndunum átta. Þeir voru fyrst haldnir í San Marínó árið 1985, en síðan hafa þeir verið haldnir í Mónakó (1987), Kýpur (1989), Andorra (1991), Möltu (1993), Lúxemborg (1995), Íslandi (1997), Liechtenstein (1999), San Marínó (2001), Möltu (2003), Andorra (2005), Mónakó (2007), Kýpur (2009), Liechtenstein (2011), Lúxemborg (2013), Íslandi (2015) og þeir 17. verða haldnir í San Marínó árið 2017.

Á leikunum í Liechtenstein árið 2011 tók Svartfjallaland þátt í fyrsta sinn og eru því þátttökuþjóðir orðnar níu talsins. Á sömu leikum var ákveðið að hefja þriðju umferð leikanna árið 2017.
 
Þrátt fyrir að ekki væri gert ráð fyrir að leikarnir yrðu mjög umfangsmiklir hefur raunin orðið önnur og hefur þátttakendum farið stöðugt fjölgandi. Er nú svo komið að þátttakendur með fylgdarliði eru um 1000 manns. Íslenskum þátttakendum hefur fjölgað jafnt og þétt. Á leikunum í Lúxemborg árið 1995 voru þeir 180, en á fyrstu leikunum voru þeir aðeins 25 alls.
 
Í fyrstu var ákveðið að Smáþjóðaleikarnir yrðu fjórða hvert ár en eftir San Marínó leikana var samþykkt að þeir skyldu haldnir annað hvert ár. Eftir að leikarnir hafa vaxið svo að umfangi sem raun ber vitni, hefur það aftur komið til álita að halda þá fjórða hvert ár eins og Ólympíuleikana. Enda hétu þeir upphaflega Ólympíumót smáþjóða eins og fram kemur í fyrstu drögum að reglugerð.
 
Sæti formanns framkvæmdastjórnar til tveggja ára í senn skipar formaður Ólympíunefndar þeirrar þjóðar sem næst heldur Smáþjóðaleika. Sérstök tækninefnd er einnig starfandi.