Fréttasafn
2025
2024
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2023
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2022
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2021
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2020
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2019
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2018
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2017
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2016
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2015
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2014
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2013
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2012
Janúar, Mars, Apríl, Maí, Júní, Júlí, September, Október, Nóvember, Desember.
2011
Minsk 2019- Allir íslensku strákarnir kepptu á Evrópuleikunum 2015
Evrópuleikarnir fara nú fram í Minsk í Hvíta-Rússlandi. Þetta er í annað sinn sem leikarnir eru haldnir, en fyrstu Evrópuleikarnir fóru fram fyrir fjórum árum í Azerbaidjan. Þá sendi Ísland 18 keppendur til þátttöku, en í þetta sinn keppa sjö Íslendingar á leikunum. Fimm af þessum sjö íslenskum keppendum, þ.e. allir strákarnir í hópnum, kepptu einnig á síðustu Evrópuleikum. Rúmlega 4.000 keppendur taka þátt í leikunum nú, en um 6.000 síðast. Keppt er í 15 íþróttagreinum.
Minsk 2019 - Undankeppni í bogfimi
.jpg?proc=NewsListImage)
Keppni er hafin í nokkrum íþróttagreinum á Evrópuleikunum í Minsk þótt að þeir verði fyrst settir í kvöld. Í dag fór fram undankeppni í bogfimi og hnefaleikum ásamt keppni í 3x3 í körfuknattleik. Eowyn Marie Alburo Mamalias var meðal keppenda í undankeppninni í bogfimi, en þar hafnaði hún í 16. sæti með skorið 632.
Ólympíudagurinn fer fram 23. júní
Þann 23. júní nk. er Alþjóðlegi Ólympíudagurinn haldinn hátíðlegur um allan heim og er það í sjötugasta sinn sem dagurinn er haldinn. Hann er haldinn í tilefni af stofnun Alþjóðaólympíunefndarinnar 23. júní árið 1894. Þá má segja að Ólympíuleikar til forna hafi verið endurvaktir og færðir til nútímans. Markmiðið með deginum er að hvetja fólk til að koma saman, hreyfa sig og hafa gaman, en dagurinn er í raun ætlaður öllum óháð íþróttalegri getu. Meginþema í tengslum við daginn eru þrjú: Hreyfa, læra og uppgötva. Á deginum er kjörið að spreyta sig á ýmiss konar íþróttum og þrautum, en ekki einungis íþróttum sem keppt er í á Ólympíuleikunum. Ólympíudagurinn er einnig kjörinn vettvangur til að kynna gildi Ólympíuhreyfingarinnar sem eru; vinátta, virðing og ávallt að gera sitt besta.
Minsk 2019 – Ásgeir fánaberi á setningarhátíðinni
Setningarhátíð Evrópuleikanna fer fram á Dinamo leikvanginum í Minsk föstudagskvöldið 21. júní. Ásgeir Sigurgeirsson keppandi í skotfimi verður fánaberi íslenska hópsins. Ásgeir er fæddur 2. september 1985 og er því á 34. aldursári. Hans keppnisgrein á leikunum er 10m loftskammbyssukeppnin en Ásgeir keppti í henni á fyrstu Evrópuleikunum í Bakú 2015 og lauk keppni þá í 22. sæti. Á þeim leikum keppti Ásgeir einnig í frjálsri skammbyssu og náði þar bestum árangri Íslendinga á leikunum er hann komst í úrslit og endaði í 5. sæti. Ásgeir keppti á Ólympíuleikunum í London 2012, í þessum tveimur skammbyssugreinum og hefur staðið sig vel á erlendum vettvangi á undanförnum árum.Minsk 2019 – Tekið á móti þátttakendum
Í kvöld fór fram sérstök móttökuhátíð í íþróttamannaþorpinu í Minsk þar sem allir þátttakendur voru boðnir velkomnir af borgarstjóra þorpsins Siarhei Rudy, framkvæmdastjóra leikanna George Katalin og formanni Evrópuleikanefndar EOC Spyros Capralos.Minsk 2019 – Móttökuhátíð
Í kvöld fer fram sérstök móttökuhátíð í íþróttamannaþorpinu á Evrópuleikunum í Minsk. Hefst hún kl. 18:00 að staðartíma og byggir á formlegum dagskrárliðum auk skemmtiatriða. Undir lok hennar verða gróðursett eikartré fyrir hverja þjóð, en slík athöfn átti sér einnig stað á Evrópuleikunum sem haldnir voru í Bakú 2015.Minsk 2019 - Keppni á Evrópuleikunum
Evrópuleikarnir 2019 verða settir föstudagskvöldið 21. júní nk. í Minsk, höfuðborg Hvíta-Rússlands.
Þann sama dag hefst keppni leikanna og keppir einn Íslendingur strax á fyrsta degi.Valgeir kjörinn varaforseti Evrópska keilusambandsins
Valgeir Guðbjartsson var kjörinn varaforseti Evrópska keilusambandsins (ETBF) til næstu 4 ára á ársþingi sambandsins sem fram fór í Munchen í Þýskalandi þann 9. júní sl. Valgeir hefur verið í stjórn ETBF í 14 ár og þar af sem framkvæmdastjóri þess s.l. 9 ár. Með því að ná kjöri sem varaforseti ETBF færast aðrar skyldur á Valgeir en hann mun m.a. núna sjá um evrópsku mótaröðina í keilu ásamt öðrum verkefnum.
Minsk 2019 - Ísland sendir sjö keppendur á Evrópuleikana 2019
Sjö keppendur munu keppa fyrir Íslands hönd á Evrópuleikunum í Minsk í Hvíta-Rússlandi, en leikarnir hefjast föstudaginn 21. júní nk.Minsk 2019 - 3 dagar í Evrópuleika
Evrópuleikarnir 2019 fara fram í borginni Minsk í Hvíta-Rússlandi þann 21.-30. júní. Leikarnir eru haldnir á vegum Evrópusambands Ólympíunefnda (EOC). Keppt verður í 15 íþróttagreinum og mun Ísland eiga keppendur í badmintoni, júdó, fimleikum, bogfimi og skotíþróttum. Í átta greinum af þeim 15 sem keppt verður í geta keppendur náð lágmörkum á Ólympíuleikana í Tókýó í Japan árið 2020. Evrópuleikarnir eru taldir mikilvægur hluti af undirbúningi íþróttafólks fyrir Ólympíuleikana í Tókýó. Gert er ráð fyrir að um 4.000 keppendur frá 50 löndum taki þátt í Evrópuleikunum og að margir hverjir tryggi sig inn á Ólympíuleikana.
Hörður sæmdur Gullmerki ÍSÍ
Ársþing Sundsambands Íslands fór fram þann 15. júní sl. í Íþróttamiðstöðinni í Laugardalnum. Kjörinn var nýr formaður en Björn Sigurðsson, ÍBH og fyrrum gjaldkeri stjórnar SSÍ tekur við af Herði J. Oddfríðarsyni, ÍBR. Hörður hefur verið formaður í 13 ár en fyrir það var hann varaformaður SSÍ í þrjú ár og stjórnarmaður í þrjú ár þar á undan. Hann sagði af sér embætti á þinginu en hann var kjörinn formaður til fjögurra ára á þingi SSÍ 2017. Hann heldur þó áfram sem meðstjórnandi til tveggja ára í stjórn SSÍ. Líney Rut Halldórsdóttir framkvæmdastjóri ÍSÍ ávarpaði þingið og nýtti tækifærið til þess að afhenda Herði Gullmerki ÍSÍ fyrir framúrskarandi störf í þágu íþróttahreyfingarinnar. Hannes Sigurbjörn Jónsson formaður KKÍ og Sólveig Jónsdóttir framkvæmdastjóri FSÍ voru þingforsetar.
30. Sjóvá Kvennahlaup ÍSÍ fór fram í dag
Sjóvá Kvennahlaup ÍSÍ fór fram í þrítugasta sinn í dag, laugardaginn 15. júní, í blíðskaparveðri um allt land. Frábær þátttaka var í hlaupinu í dag en gera má ráð fyrir að um 10.000 konur hafi tekið þátt á yfir 80 stöðum um allt land og víða erlendis. Að vanda var boðið upp á mismunandi vegalengdir eða allt frá 900 m upp í 10 km. Mikil og góð stemning var hjá þátttakendum konum sem körlum, ungum sem öldnum sem fögnuðu 30 ára afmælinu með okkur í dag. Gleði og kátína skein úr hverju andliti þegar konur á öllum aldri komu saman og áttu skemmtilega stund þar sem sumar hlupu en aðrar gengu. Rúmlega 3000 manns hlupu í Garðabæ, rúmlega 1000 í Mosfellsbæ, rúmlega 300 á Akureyri, hátt í 300 í Reykjanesbæ og rúmlega 100 á Ísafirði og Egilsstöðum.