Fréttasafn
2024
Janúar, Febrúar, Mars, Apríl, Maí, Júní, Júlí, Ágúst, September, Október.
2023
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2022
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2021
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2020
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2019
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2018
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2017
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2016
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2015
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2014
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2013
Janúar, Febrúar, Mars, Apríl, Maí, Júní, Júlí, Ágúst, September, Október, Nóvember, Desember.
2012
Janúar, Mars, Apríl, Maí, Júní, Júlí, September, Október, Nóvember, Desember.
2011
Íslenskir afreksþjálfarar fá fræðslu
.jpg?proc=NewsListImage)
Norræn nefnd um þjálfaramenntun og þróun hennar er nú með verkefni í gangi þar sem fimm afreksþjálfarar frá hverju landi, Íslandi, Noregi, Svíþjóð, Danmörku og Finnlandi fá sérstaka fræðslu. ÍSÍ hefur átt fulltrúa í norrænu nefndinni um þjálfaramenntun og þróun hennar í allmörg ár, en það er Viðar Sigurjónsson skrifstofustjóri ÍSÍ á Akureyri. Fór hann með hóp íslenskra íþróttaþjálfara á tveggja daga vinnufund í Osló dagana 28. - 30. janúar sl. með þjálfarahópum frá Noregi, Svíþjóð, Finnlandi og Danmörku. Hópinn skipa þau Arna Þórey Sveinbjörnsdóttir sundþjálfari, Finnur Freyr Stefánsson körfuknattleiksþjálfari, Haukur Már Ólafsson golfkennari, Hermann Þór Haraldsson frjálsíþróttaþjálfari og Jón Gunnlaugur Viggósson handknattleiksþjálfari. Þessir 25 þjálfarar sem skipuðu hópinn komu frá hinum ýmsu íþróttagreinum. Samstarf Norðurlandanna var rætt á fundinum og þróun og möguleikar í þeim efnum. Markmiðið með þessari vinnu var að rýna í hvað þjóðirnar hefðu fram að færa í hinum fjölmörgu þáttum sem lúta að íþróttaþjálfun og hvernig þjóðirnar gætu átt frekari samvinnu, skipst á þekkingu og reynslu sem vonandi leiðir svo til faglegra starfs í löndunum öllum. Íslenski hópurinn mun eiga annan vinnufund í Laugardalnum í febrúar þar sem rýnt verður í niðurstöður fundarins í Osló og þeir þættir skoðaðir sem nýtast mega hér á landi.
Verkefni Almenningsíþróttasviðs ÍSÍ 2019
Almenningsíþróttasvið ÍSÍ stendur fyrir heilsu- og hvatningarverkefnum á hverju ári. Markmið verkefnanna Hjólað í vinnuna, Hjólum í skólann og Göngum í skólann er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta. Lífshlaupið fer fram í febrúar ár hvert og er ætlað að höfða til allra aldurshópa. Súpufundur - Almenn fræðsla og reynslusögur um heilahristing
.png?proc=NewsListImage)
Miðvikudaginn 6. febrúar frá 12:00-13:00 munu ÍSÍ og KSÍ standa fyrir súpufundi á 3.hæð í höfuðstöðvum KSÍ á Laugardalsvelli. Viðfangsefnið er höfuðhögg/heilahristingur í íþróttum. Þar mun Lára Ósk Eggertsdóttir Classens sem er læknir á bráðamóttöku halda fyrirlestur og Ragna Margrét Brynjarsdóttir, mastersnemi í sálfræði og María Björnsdóttir sjúkraþjálfari segja reynslusögur, en þær eru báðar körfuboltakonur sem fengu heilahristing í fyrra. Frítt er á viðburðinn og boðið verður upp á súpu og brauð.
ÍSÍ á afmæli í dag
.jpg?proc=NewsListImage){kind=logo}
Íþrótta- og Ólympíusamband Íslands - ÍSÍ, fagnar 107 ára afmæli sínu í dag 28. janúar 2019 en sambandið var stofnað þann dag í Bárubúð árið 1912. Alls mættu 25 fulltrúar frá sjö félögum á stofnfund sambandsins en það voru fulltrúar frá Reykjavíkurfélögunum Glímufélaginu Ármanni, Íþróttafélaginu Kára, Íþróttafélagi Reykjavíkur, Knattspyrnufélaginu Fram, Knattspyrnufélagi Reykjavíkur, Umf. Reykjavíkur og Umf. Iðunni. Að auki var á fundinum lögð fram ósk frá fimm félögum í viðbót að gerast stofnfélagar sambandins. Það voru félögin Skautafélag Reykjavíkur, Sundfélagið Grettir og Akureyrarfélögin Íþróttafélagið Grettir, Glímufélagið Héðinn og Umf. Akureyrar. Axel Tulinius var kosinn fyrsti forseti ÍSÍ.
Íþróttamaður HSH 2019
Vignir Snær Stefánsson knattspyrnumaður frá Víking Ólafsvík, var kjörinn Íþróttamaður HSH 2018 í Stykkishólmi þann 25. janúar sl. Annað íþróttafólk var einnig heiðrað fyrir góðan árangur í sinni íþróttagrein auk þess sem veitt var viðurkenning fyrir vinnuþjark ársins.
Vorfjarnám í þjálfaramenntun hefst 11. febrúar
Vorfjarnám 1. og 2. stigs Þjálfaramenntunar ÍSÍ hefst mánudaginn 11. febrúar nk. og tekur það átta vikur á 1. stigi en fimm vikur á 2. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni. Nám beggja stiga er allt í fjarnámi, engar staðbundnar lotur. Námið hefur verið afar vinsælt undanfarin ár og þátttakendur komið frá fjölda íþróttagreina. Námið veitir réttindi til íþróttaþjálfunar og jafnframt rétt til áframhaldandi náms til frekari réttinda.
Taktu þátt í Lífshlaupinu
Skráning er í fullum gangi fyrir Lífshlaupið 2019. Keppnin stendur yfir frá 6. - 26. febrúar fyrir vinnustaði og frá 6. - 19. febrúar fyrir grunn- og framhaldsskóla. Á meðan á Lífshlaupinu stendur eru allir hvattir til að deila myndum af þátttöku sinni í gegnum vefsíðu Lífshlaupsins hér og einnig á Facebook eða Instagram með myllumerkinu #lifshlaupid. Allir myndasmiðir fara í lukkupott í myndaleik Lífshlaupsins og eiga möguleika á að vera dregnir út og vinna flotta vinninga. Þá verða einnig flottustu myndirnar verðlaunaðar sérstaklega í lok keppninnar og því er um að gera að taka myndarlega á því við myndasmíðina.
Ráðstefna um íþróttir og ofbeldi 30. janúar
.jpg?proc=NewsListImage)
Ráðstefnan „Eru íþróttir leikvangur ofbeldis?- vinnum gegn því“ fer fram miðvikudaginn 30. janúar frá kl. 10:30 – 17:30 í Háskólanum í Reykjavík og er hluti af dagskrá Reykjavíkurleikanna. Erlendir og íslenskir fyrirlesarar munu deila reynslu sinni, sögum og fræðum. Bakgrunnur fyrirlesara er mjög fjölbreyttur allt frá fræðimönnum sem hafa rannsakað málefnið um árabil til forsvarsmanna í íþróttahreyfingunni sem vinna að forvörnum og fræðslu og þolenda af báðum kynjum sem segja sína sögu. Einnig verður boðið verður upp á þrjár vinnustofur um málefnið fimmtudaginn 31.janúar í íþróttamiðstöðinni í Laugardal frá kl. 10-12 þar sem áhersla verður á greiningu og viðbrögð, samvinnu að öruggara umhverfi og öflugri forvarnir.
150 dagar til Evrópuleika
Evrópuleikarnir 2019 fara fram í borginni Minsk í Hvíta-Rússlandi þann 21.-30. júní nk. Í dag eru 150 dagar þar til leikarnir verða settir.
Íþróttameiðsli og fyrirbyggjandi æfingar
Vefsíðan fittoplay.org er einstaklega áhugaverð síða sem snýr meðal annars að fyrirbyggjandi æfingum gegn meiðslum íþróttafólks. Þar má finna upplýsingar um algeng meiðsli í yfir 50 íþróttagreinum og 11 líkamshlutum. Þar má einnig sjá æfingar sem koma sér vel fyrir íþróttafólk í endurhæfingu.
Íslenskir afreksþjálfarar fá fræðslu
ÍSÍ hefur átt fulltrúa í norrænni nefnd um þjálfaramenntun og þróun hennar í allmörg ár. Nefndin er nú með verkefni í gangi þar sem fimm afreksþjálfarar frá hverju landi, Íslandi, Noregi, Svíþjóð, Danmörku og Finnlandi fá sérstaka fræðslu, bæði í sínum heimalöndum og svo á tveggja daga fræðslufundi í Olympiatoppen í Noregi í lok janúar. Þjálfararnir sem taka þátt í verkefninu fyrir hönd Íslands eru þau Arna Þórey Sveinbjörnsdóttir SSÍ, Finnur Freyr Stefánsson KKÍ, Haukur Már Ólafsson GSÍ, Hermann Þór Haraldsson ÍF og Jón Gunnlaugur Viggósson HSÍ. Þjálfararnir fimm sátu fræðslufund í Íþróttamiðstöðinni í Laugardal föstudaginn 18. janúar síðastliðinn. Fyrirlesarar voru þeir Viðar Halldórsson íþróttafélagsfræðingur og Daði Rafnsson íþróttasálfræðingur. Fulltrúi ÍSÍ í norrænu nefndinni er Viðar Sigurjónsson skrifstofustjóri ÍSÍ á Akureyri og mun hann fara með þjálfarahópnum til Noregs.
Skráning í Lífshlaupið í fullum gangi
Skráning er í fullum gangi fyrir Lífshlaupið 2019. Keppnin stendur yfir frá 6. - 26. febrúar fyrir vinnustaði og frá 6. - 19. febrúar fyrir grunn- og framhaldsskóla.