28.05.2019Morgundagurinn, 29. maí, er hlaðinn spennandi íþróttaviðburðum á Smáþjóðaleikunum í Svartfjallalandi.
Landslið kvenna og karla í blaki munu etja kappi við San Marínó, kvennaliðið kl. 13 að staðartíma og karlaliðið kl. 16 að staðartíma.
Landslið karla í körfuknattleik mun leika á móti Möltu kl. 15:30 að staðartíma og kvennalandsliðið við Svartfellinga kl. 17:45 að staðartíma.
Borðtenniskeppnin verður í gangi frá 10-19:30, sundkeppnin frá 16-18:30 og frjálsíþróttakeppnin frá 16-20 (allt miðað við staðartíma).
Hvílt verður í júdó, keppni í loftbyssugreinum hefst ekki fyrr en 30. maí og óvíst er hvort að hægt verður að keppa í tennis á morgun vegna veðuraðstæðna.