Beint á efnisyfirlit síðunnar

Á döfinni

28

Ársþing UMSS

15.03.2017

Ungmennasamband Skagafjarðar hélt 97. ársþing sitt í Ljósheimum í Skagafirði í gær, þann 14. mars. Ágætis mæting var á þingið og voru alls 36 þingfulltrúar mættir. 11 tillögur lágu fyrir þinginu sem allar voru samþykktar auk einnar til viðbótar sem til varð í störfum nefnda. Þingforsetinn Steinunn Rósa Guðmundsdóttir stýrði þinginu af röggsemi. Þórhildur Sylvía Magnúsdóttir gaf ekki kost á sér til áframhaldandi formannssetu og var Arnrún Halla Arnórsdóttir kjörin formaður í hennar stað.

Viðar Sigurjónsson skrifstofustjóri ÍSÍ sótti þingið fyrir hönd ÍSÍ. Á þinginu afhenti Viðar formanni knattspyrnudeildar Tindastóls, Bergmanni Guðmundssyni, endurnýjun viðurkenningar deildarinnar sem fyrirmyndardeildar ÍSÍ.

Á myndum eru:

Mynd 1: Yfir þingsalinn
Mynd 2: Viðar í pontu
Mynd 3: Þingforseti Steinunn Rósa Guðmundsdóttir í pontu og sitjandi er fráfarandi formaður UMSS Þórhildur Sylvía Magnúsdóttir.
Mynd 4: frá vinstri, Viðar Sigurjónsson skrifstofustjóri ÍSÍ á Akureyri og Bergmann Guðmundsson formaður knattspyrnudeildar Tindastóls.

Myndir með frétt