Beint á efnisyfirlit síðunnar

Á döfinni

12.10.2018 - 14.10.2018

Ársþing LH 2018

Ársþing Landssambands hestamanna verður...
24

20.12.2013

Fjölmargir luku haustfjarnámi ÍSÍ í þjálfaramenntun

Haustfjarnámi ÍSÍ í þjálfaramenntun 1. og 2. stigs er lokið og voru það 37 þjálfarar samtals sem luku námi. Þjálfararnir eru búsettir vítt og breytt um landið og koma frá hinum ýmsu íþróttagreinum s.s. fimleikum, frjálsum íþróttum, sundi, blaki, körfuknattleik, keilu, motocross, skíða- og brettaíþróttum, skautaíþróttum, kraftlyftingum, taekwondo, júdó og klifurgreinum. Þjálfarar sem luku 1. stigi fá þjálfaraskírteini sent á heimilisfang og þeir sem luku 2. stigi fá stimpil og einkunn í skírteinið sem þeir eiga frá 1. stiginu. Nám á báðum stigum verður í boði á vorönn 2014 auk þess sem 3. stig verður í fyrsta skipti einnig í boði þá önn. Þetta verður auglýst betur í janúar á isi.is og í dagblöðum. Sérgreinanám sækja þjálfarar svo hjá viðkomandi sérsamböndum ÍSÍ. Allar frekari upplýsingar um þjálfaramenntun ÍSÍ og námskeið í boði veitir Viðar Sigurjónsson Skrifstofustjóri ÍSÍ á Akureyri.
Nánar ...
20.12.2013

Úthlutun úr Afrekskvennasjóði Íslandsbanka og ÍSÍ

Sjóðsstjórn hefur farið yfir umsóknir vegna úthlutunar úr Afrekskvennasjóði Íslandsbanka og ÍSÍ 2013. Markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri.
Nánar ...
19.12.2013

ÍSÍ gefur öllum héraðsskjalasöfnum á Íslandi bókina Íþróttabókin, ÍSÍ – saga og samfélag í 100 ár

Lárus L. Blöndal forseti ÍSÍ afhenti í dag fulltrúum héraðsskjalasafna á Íslandi eintak af afmælisbók ÍSÍ sem ber heitið „Íþróttabókin – ÍSÍ, saga og samfélag í 100 ár“. ÍSÍ hefur ákveðið að gefa öllum héraðsskjalasöfnum á landinu eintak af bókinni, sem inniheldur mikinn fróðleik um íþróttir í íslensku samfélagi síðustu 100 árin. Bókin var gefin út í tilefni af aldarafmæli sambandsins í fyrra.
Nánar ...
18.12.2013

Undirritun samnings vegna Sjóvá Kvennahlaups ÍSÍ 2014

Íþrótta- og Ólympíusamband Íslands og Sænsk-íslenska ehf. skrifuðu undir samning vegna kaupa á bolum og verðlaunapeningum fyrir Sjóvá Kvennahlaups ÍSÍ 2014 í dag, miðvikudaginn 18. desember. Ingibjörg Bergrós Jóhannesdóttir, formaður Kvennahlaupsnefndar ÍSÍ og Björg Gunnarsdóttir, Sænsk-íslenska ehf. undirrituðu samninginn.
Nánar ...
18.12.2013

Körfuknattleiksdeild Tindastóls Fyrirmyndardeild ÍSÍ

Körfuknattleiksdeild Tindastóls fékk endurnýjun viðurkenningar deildarinnar sem fyrirmyndardeild ÍSÍ rétt fyrir stórleik liðsins í mfl. karla við nágrannana í Þór frá Akureyri föstudaginn 13. desember síðastliðinn. Mikil stemning var í íþróttahúsinu á Sauðárkróki enda leikmenn og dómarar komnir á völlinn og klárir til að hefja leik. Það var Viðar Sigurjónsson skrifstofustjóri ÍSÍ á Akureyri sem afhenti formanni körfuknattleiksdeildarinnar Stefáni Jónssyni viðurkenninguna. Á myndinni eru ungir körfuboltaiðkendur deildarinnar og fyrir aftan þá eru Hafdís Einarsdóttir, Viðar Sigurjónsson, Eiríkur Loftsson og Stefán Jónsson sem heldur á viðurkenningunni.
Nánar ...
17.12.2013

Sunddeild Njarðvíkur Fyrirmyndardeild ÍSÍ

Sunddeild Njarðvíkur fékk endurnýjun viðurkenningar deildarinnar sem Fyrirmyndardeild ÍSÍ laugardaginn 15. desember síðastliðinn á Aðventumóti félagsins í Vatnaveröld. Það var Sigríður Jónsdóttir ritari ÍSÍ og formaður Þróunar- og fræðslusviðs sem afhenti forystuaðilum deildarinnar viðurkenninguna. Sigríður var reyndar svo heppin að verða vitni að tveimur Íslandsmetum í 1500m skriðsundi í flokki meyja og sveina. Á myndinni eru frá vinstri, Sigríður Jónsdóttir, Anna Steinunn Gunnlaugsdóttir varaformaður deildarinnar og Harpa Kristín Einarsdóttir formaður.
Nánar ...
16.12.2013

Iðkendatölur ÍSÍ fyrir árið 2012

Iðkendatölur ársins 2012 eru nú komnar út. Fjöldi iðkana jókst á milli áranna 2011 og 2012 eða um 1,2% en samtals voru 119.810 iðkanir innan ÍSÍ árið 2011. 47% iðkana voru stundaðar af 15 ára og yngri. 60,9% iðkana voru stundaðar af körlum og um 39,1% af konum. Þegar kynjamunur í yngri hóp er skoðaður er munurinn minni, um 45% hjá stúlkum á móti 55% hjá drengjum. Þátttaka í knattspyrnu var...
Nánar ...
16.12.2013

Glímufélagið Ármann Fyrirmyndarfélag ÍSÍ

Glímufélagið Ármann hélt upp á 125 ára afmæli sitt sunnudaginn 15. desember síðastliðinn með mikilli afmælishátíð í Laugardalnum í Reykjavík. Innan félagsins eru starfandi 10 deildir og er mikil gróska í starfseminni. Allar deildir félagsins fengu viðurkenningu frá ÍSÍ sem Fyrirmyndardeildir og þar með er félagið í heild sinni orðið Fyrirmyndarfélag ÍSÍ. Það er mikill áhugi fyrir þessari gæðavottun frá ÍSÍ þessa dagana og fjölmörg félög að sækja um viðurkenningu eða endurnýjun hennar eins og gera þarf á fjögurra ára fresti. Gæðavottun ÍSÍ tekur til fjölmargra þátta í starfsemi félaganna s.s. fjárhagslegra þátta, félagslegra, skipulagslegra og þátta er lúta að íþróttaþjálfun og menntun þjálfara. Einnig þurfa félög að hafa markað sér skýrar stefnur í hinum ýmsu málaflokkum eins og jafnréttismálum, umhverfismálum, forvarnarmálum og fræðslumálum. Það var Sigríður Jónsdóttir ritari ÍSÍ og formaður Þróunar- og fræðslusviðs sem afhenti Snorra Þorvaldssyni formanni félagsins viðurkenninguna fyrir félagið í heild. Forystumenn allra deilda fengu einnig afhentar viðurkenningar fyrir sínar deildir. Á myndinni eru þau Sigríður Jónsdóttir og Snorri Þorvaldsson.
Nánar ...
13.12.2013

Nelson Mandela minnst af Ólympíuhreyfingunni

Dr. Thomas Bach, nýkjörinn forseti Alþjóðaólympíunefndarinnar hefur farið þess á leit við allar ólympíunefndir að heiðra minningu friðarleiðtogans Nelson Mandela með því að draga fána í hálfa stöng 15. desember nk.
Nánar ...
11.12.2013

Úrslit liggja fyrir í Þrekraunum 2013

Þrekraunir er norræn íþróttakeppni fyrir nemendur í 7. og 8. bekk í grunnskóla. Keppnin er á milli bekkja og er það heildarárangur allra nemenda í hverjum bekk sem telur. Mikil aukning var í heildarþátttöku frá því í fyrra, en alls tóku 115 skólar (voru 46 árið 2012) og 190 bekkir (111 árið 2012) þátt í ár.
Nánar ...
10.12.2013

Tvær deildir Íþróttafélagsins Hattar Fyrirmyndardeildir ÍSÍ

Tvær deildir Íþróttafélagsins Hattar fengu endurnýjun viðurkenninga frá ÍSÍ sem Fyrirmyndardeildir á Jólamóti fimleikadeildarinnar í íþróttahúsinu á Egilsstöðum laugardaginn 7. desember síðastliðinn. Það var mikið um dýrðir í íþróttahúsinu og fimleikaiðkendur fóru á kostum. Það var Viðar Sigurjónsson skrifstofustjóri ÍSÍ á Akureyri sem afhenti fulltrúum deildanna viðurkenningarnar og fána Fyrirmyndarfélaga. Ungir iðkendur frá báðum deildum voru viðstaddir afhendinguna og settu skemmtilegan svip á hana.
Nánar ...
09.12.2013

FSÍ með tvo fulltrúa í tækninefndum UEG

Ársþing Fimleikasambands Evrópu (UEG) fór fram helgina 6.-7. desember í Portoroz í Slóveníu. Á þinginu kynntu fulltrúar Fimleikasambands Íslands Evrópumótið í hópfimleikum sem fer fram í Reykjavík 17.-23. október 2014. Fimleikasambandið var með tvo fulltrúa í framboði til tækninefnda UEG og náðu þeir báðir kjöri.
Nánar ...