Sérgrein:
Kringlukast

Heimslisti:
2018 nr. 22

Evrópulisti:
2018 nr. 14

Guðni Valur Guðnason er Ólympíufari og Íslandsmeistari í kringlukasti. Hann hefur sett fjölda Íslandsmeta í unglingaflokkum sem mörg standa enn. Besta kast Guðna, sem hann náði árið 2018, er 65,53 m sem er næst besta kast Íslandssögunnar (Vésteinn Hafsteinsson á 67,64 m). 

Guðni æfði á yngri árum golf, körfubolta og hinar ýmsu greinar í frjálsíþróttum. Árið 2014 fór hann að æfa kringlukast af fullum krafti. Guðni hefur keppt á Evrópu- og heimsmeistaramótum sem og Smáþjóðaleikum fyrir Íslands hönd frá árinu 2015. Hann sigraði kringlukastskeppnina á Smáþjóðaleikunum árin 2015 með kast upp á 56,40 m og 2017 með kast upp á 59,98 m og náði 2. sætinu árið 2019. Guðni Valur keppti á EM árið 2018 og var einungis 83 cm frá því að komast í úrslit. Guðni átti þá stigahæsta afrek ársins samkvæmt stigatöflu Alþjóðafrjálsíþróttasambandsins (IAAF). Hann var í 22. sæti á heimslista World Athletics með sinn persónulega besta árangur 65,53 m.

Stundum grípur Guðni í kúlu líka, en bestum árangri náði hann á Smáþjóðaleikunum 2019 þegar hann lenti í 3. sæti í kúluvarpi með kast upp á 17,83 m. 

Guðni var valinn Mosfellingur ársins 2016 af blaðinu Mosfellingur.

Guðni er á samfélagsmiðlunum Facebook og Instagram.